Það gleður okkur að kynna til leiks BH7 Bluetooth heyrnartólin frá Yealink.
Heyrnartól sem henta bæði fyrir vinnutíma og frítíma
BH7 heyrnartólin eru fallega hönnuð og með frábærum hljómi. Þau eru einnig með eiginleika skrifstofuheyrnartóla þó þau líti alls ekki út fyrir það. Heyrnartólin henta þannig fyrir alhliða notkun, bæði í vinnutíma og frítíma. Hægt er að tengjast tölvu og farsíma samtímis svo þú missir ekki af neinu. Heyrnartólin eru með innfelldri bómu með hljóðnema sem hægt er að draga út til að svara símtali og fela til að setja símtal á bið. Hljóðneminn er með svokallaðri Acoustic Shield Technology sem útilokar umhverfishljóð frá hljóðnemanum og skilar tæru tali frá þér til viðmælanda eða inn á fjarfundinn. Hægt er að fá heyrnartólin með eða án Active Noise Cancellation sem útilokar umhverfishljóð frá hátölurum. Þú getur því einnig verið viss um að heyra einstaklega tæran hljóm frá viðmælanda eða uppáhalds tónlistinni þinni.
Þægindi, öflug rafhlaða, hraðhleðsla og þráðlaus hleðslustandur
BH7 heyrnartólin eru með mjög mjúkum púðum sem liggja þægilega við eyrun. Rafhlaðan er einstaklega öflug enda hugsuð til þess að endast allan daginn og gott betur fyrir fjölbreytta notkun. Rafhlaðan dugar í 35 tíma í tali eða 40 tíma fyrir tónlist. Heyrnartólin eru með hraðhleðslu en með 5 mín hleðslu er hægt ná 3-4 tíma notkun. Hægt er að fá flottan hleðslustand með sem er með þráðlausri hleðslu þar sem einnig er hægt að hlaða farsímann.
