Boðleið og Faktum bókhaldsþjónusta hafa náð samkomulagi um sameiningu fyrirtækjanna undir merkjum Boðleiðar. Faktum hefur um árabil veitt fyrsta flokks alhliða bókhaldsþjónustu og rekstrarráðgjöf til fyrirtækja. Með sameiningunni mun Boðleið geta boðið upp á nútímalega, trausta og persónulega bókhaldsþjónustu fyrir fyrirtæki.

Sara Hauksdóttir hefur leitt Faktum með frábærum árangri og mikilli ánægju viðskiptavina en Sara mun stýra nýrri bókhaldsþjónstu Boðleiðar ásamt Elísu Berglindi Sigurjónsdóttur, viðskiptafræðingi, sem einnig hefur verið ráðin. Sara og Elísa búa yfir áralangri reynslu og þekkingu í rekstri og fjármálum fyrirtækja sem mun koma viðskiptavinum Boðleiðar til góða.

Óttar Ingólfsson hefur verið ráðinn sem forstöðumaður Viðskipta- og hugbúnaðarþjónustu Boðleiðar. Óttar er  reynslubolti í stafrænni umbreytingu með samþáttuðum viðskiptahugbúnaði. Með bakgrunn í verkefnastjórnun og tækniráðgjöf á fyrirtækjasviði hefur aðkoma hans hjálpað fjölda fyrirtækja að ná verulegri hagræðingu með skynsamri stafrænni umbreytingu. 

Boðleið hefur einnig ráðið Gunngeir Friðriksson, reyndan forritara frá Símanum, en hann mun sjá um samþættingar á stafrænum lausnum.

Mynd að ofan frá vinstri: Elísa Berglind Sigurjónsdóttir, Þorvaldur Harðarson framkv.stj. Boðleiðar, Sara Hauksdóttir.